03: мөрәҗәгатьләр статистикасы

2015 елның башыннан Лаеш үзәк район хастаханәсенең ашыгыч ярдәм бүлегенә 4480 нән артык чакыру кергән һәм 1500 амбулатор авыру мөрәҗәгать иткән.

Барысына да кирәкле медицина ярдәме күрсәтелгән. Әлеге бүлек медикларына тәүлегенә уртача алганда 20 кеше мөрәҗәгать итә. Кичен чакырулар саны арта. Еш кына югары кан басымы, инсульт, инфаркт, җәрәхәтләр, шул исәптән юл-транспорт һәлакәтеннән соң, өч яшькә кадәрге балаларда югары температура белән мөрәҗәгать итәләр. Пешү һәм өшүләр белән мөрәҗәгать итүләр сирәгрәк.