Алкогольне җанатар паспорты белән дә алырга була

Сатучы алкогольле продукция алучы клиентның балигъ яшькә җитүенә инану өчен таләп итәргә хаклы документлар исемлеге артты.

Үзгәрешләр Россия Федерациясе сәнәгать һәм сәүдә министрлыгының 2017 ел 31 майдагы №1728 боерыгы белән расланды. Сатучы сатып алучыга 18 яшь тулуга ике яңа документ буенча инана ала: машина йөртү таныклыгы яки тамашачының шәхси картасы (җанатар таныклыгы яки FAN ID). Боерыкның 3 пунктына ярашлы төстә, сатучы сатып алучының яшен җанатарлар паспорты буенча 2018 елның 31 декабренә кадәр тикшерә ала.