Бабаңны “Үлемсез полк“ка яз

Районда Бөек Ватан сугышында Җиңүнең 70 еллыгына багышланган чараларга актив әзерлек бара.

2012 елда Томскида старт алган "Үлемсез полк" акциясе безгә дә килеп җитте. Ул укучылар арасында бигрәк тә актуаль. Аның асылы арадан киткән солдатларны Үлемсез полкка "язу" һәм 9 майда аларның портретлары белән гомуми Җиңү колоннасына кушылудан гыйбарәт. Ике мең кеше - бар районнан шуның кадәр укучылар колачланган - парадта катнашачак. Ул мәктәпләр территорияләрендә башланып азат итүче сугышчы һәйкәлләре янында төгәлләнәчәк.