Балалар бакчаларында урыннар өчен “көрәш“тә җиңдек

Татарстанда 30 уникаль республика президент программасы гамәлгә ашырыла. Аларның берсе - "Балалар бакчалары төзелеше" мәктәпкәчә белем бирү учреждениеләренә чиратларны бетерүгә юнәлтелгән. Соңгы биш елда республика бюджеты исәбенә барлыгы ике йөздән артык, шул исәптән ремонттан соң, балалар бакчасы ачылды. Аларның 118е - өр-яңа.

Балалар бакчаларында урыннар өчен "көрәш"кә 2010 елда ук керештеләр. "Бәләкәч" президент программасы мәктәпкәчә учреждениеләргә чират мәсьәләләрен күп яктан хәл итте. Программаны гамәлгә ашыру кысаларында Лаеш районында ун өстәмә төркем ачылды.

Безнең район Татарстанда иң актив үсүчеләрнең берсе буларак билгеле. Монда соңгы биш елда сигез яңа балалар бакчасы төзеделәр, икесенә - капиталь ремонт ясадылар. Агымдагы ел да өй туйларына бай булды: Лаешта, Сокурыда һәм Олы Кабанда яңа биналар сабыйлар өчен ишекләрен ачарга әзер инде.

Узган елның августында Лаешта халык җыены үтте. Яшь аналарның Сәйдәшев урамы буйлап торак массивлар белән янәшә балалар бакчасы төзү турындагы үтенечен район башлыгы Михаил Афанасьев та хуплады. Якынча дүрт айдан соң буш урында төзүчеләр пәйда булды. Бер елдан монда яңа, уңай бина барлыкка килде. Эчтә - җайлы йокы бүлмәләре, бәдрәф зоналары, алар балаларның яшен, уен зоналарын, спорт һәм музыка залларын исәпкә ала. Монда шулай ук логопед һәм балалар психологы кабинетлары да каралган. Барысы да балалар бакчасы гади мәктәпкәчә учреждение генә түгел, ә балалар үсешенең заманча үзәге булсын өчен эшләнә.

Бинаны тәртипкә китерү һәм соңгы эшләрне эшләп бетерү өчен әти-әниләр һәм шәһәр мәктәпләре укытучылары килә. Хәзерге вакытта бинада җиһазлар урнаштыралар, пәрдәләр эләләр. Бинаның фасады бик матур бизәлгән. Участокларда җиде уен мәйданчыгы бар, аларның берсе аерым капламлы һәм юл хәрәкәте кагыйдәләрен өйрәнү өчен сызымнар сызылган. Беседкалар янында төрле төстәге уен формалары өчен җайланмалар: таганнар, таучыклар, турниклар...

-Балалар өчен, аларның тулы кыйммәтле үсеше һәм мәктәпкә әзерлеге өчен бар шартлары тудырылган, - дип сөйли "Рябинка" балалар бакчасы мөдире Светлана Никитина. - Яшь, энергияле коллектив та җыела. Мин монда эшкә урнашырга шулкадәр гариза алдым инде!

Светлана Валерьевна сүзләре буенча, әти-әниләр һәм балалар бакча ачылуны түземсезләнеп көтәләр. 140 кечкенә лаешлыга бакчага җыенырга озак калмады: бәхетле вакыйга августка планлаштырылган.

Сүз уңаеннан, быел республика программасы буенча Татарстанда 10000нән күбрәк урынга исәпләнгән 73 балалар бакчасы төзегәннәр. Әле республика тарихында беркайчан да бер ел эчендә моның кадәр балалар бакчасы төзелмәгән. Ә бу балалар бакчаларында урыннар өчен "көрәш"тә җиңдек, дигән сүз.