Безнең Россия тарихына катнашыбыз бар

Майның бу көннәрендә без җирдәге тыныч тормыш өчен бурычлы булган кешеләрне искә алабыз. Россиядә сугыш ялкыны кагылмаган бер генә гаилә дә юк. Бүген без Яңа Чишмә районында яшәүче 84 яшьлек Юныс Равилов үтенече буенча якташларыбыз гаиләсе, бертуган Равиловлар турында сөйләрбез.

20 яшенә кадәр Лаеш районы Татар Сараланы авылында яшәгән Юныс Насыйбулла улы Равилов гаиләсеннән Бөек Ватан сугышы кырларында барлык өлкән туганнары һәлак була.

-Мин лаешлыларның аларны искә алуын телим, - дип яза ветеран үзенең хатында. - Озак еллар дәвамында без дүрт туганыбызның һәлак булган һәм җирләнгән урыннары турында белмәдек. Архивларда озак вакыт эзләгәннән соң һәм Волгоград һәм башка мәктәпләрнең эзләнү отрядлары эшчәнлеге нәтиҗәсендә без ул мәгълүматларны таптык.

Равиловлар гаиләсе өчен 1942 ел куркыныч ел була: алар өенә бер-бер артлы үлем хәбәрләре килә, дүрт уллары башын сала. Менә аларның исемнәре: 39 яшьлек Насыйбулла 1942 елның 21 октябрендә Волгоград өлкәсендә һәлак була; 1942 елның августында Волгоград өлкәсендә һәлак булганда Зәйнуллага 37 яшь була; Абдулла 1942 елда 26 яшендә хәбәрсез югала һәм аның һәлак булган урыны билгеле түгел. Әлегә кадәр эзләнүләр бара. Мингали 1942 елда 31 яшендә Новгород өлкәсендә һәлак була.

Юныс Насыйбуллович үзенең эзләнү отрядлары, мәктәп музейлары белән элемтәдә торуы турында яза. Ул туганнары батырлыгының үсеп килүче буын өчен үрнәк булуын тели. Лаешлылар үз якташлары белән горурланырга тиеш.