Кая мөрәҗәгать итәргә?

Еш кына ЮХИДИ бүлегенә ниндидер юл билгеләре куюны яки "ятучы полицейский" ясауны сорап язалар, шалтыраталар.

Бу уңайдан Россия ЭЭМның Лаеш районы ЮХИДИ бүлеге начальнигы вазифаларын вакытлыча башкаручы Айрат Исмәгыйлов аңлатма бирә.

-Без юл хәрәкәтен оештыру һәм техник чаралар - юл билгеләре, юл тамгалары, ясалма тигезсезлекләр һәм башкалар торышына контрольлек итәбез һәм күзәтәбез. Юл билгеләре урнаштыру белән авыл җирлекләре һәм Лаеш башкарма комитетлары шөгыльләнә. Менә аларга мөрәҗәгать итү кирәк.