Әкият феялары укучыларда кунакта

300дән артык лаешлы район китапханәсенең уку залында җәйге каникулларның беренче аенда үткән курчак вернисажында булды.

Ә үзенең якташлары өчен күргәзмәне курчаклар ясау остасы Наталья Алексанина оештырды. Халыкара балаларны яклау көненә туры китерелгән уникаль экспозицияне ачуда коллекция авторы һәм чараны оештыручылар курчак ясау тарихы, аны ясау серләре турында күп кызыклы фактлар сөйләделәр. Күргәзмәгә килүчеләр игътибарына барлыгы 20 дән артык иҗади эш тәкъдим ителде, алар арасында әкият феялары да, гади кызлар - крестьянкалар да, төрле милләт костюмнарын тәкъдим итүче курчаклар да бар. Оста талантына сокланып күпләр бала чакларындагы яраткан курчакларын искә төшерделәр. Сүз уңаеннан, күргәзмәгә оныклары белән килгән өлкән буын вәкилләренең күбесе үз куллары белән ясалган курчакларын яраткан. Аларның бала чаклары турында искә алып сөйләр нәрсәләре бар. Ай дәвамында китапханә хезмәткәрләре курчак тематикасы буенча танып белү чаралары үткәрделәр. Алар яшь укучылар өчен дә, өлкәннәр өчен дә бик кызыклы. Бу көннәрдә күргәзмә үз эшен төгәлләде. Анда булган шәһәр кешеләре авторга һәм экспозицияне оештыручыларга матурлык белән очрашу шатлыгы биргән өчен чын күңелдән рәхмәтле.