Лаеш гимназиясе укучылары роботлар ясый

Гимназия тарихындагы беренче робот күрсәтелгән траектория буенча ышанычлы төстә атлап китте. Ул класс бүлмәсе идәнендә ясалган лабиринт борылышларын хаталарсыз үтте.

Акыллы техниканың авторы - унберенче сыйныф укучысы Елизавета Тухтина - мәктәп базасында күптән түгел ачылган «Робототехника» берләшмәсе әгъзасы.

Мәктәптә техник түгәрәкләр барлыкка килү мәктәпләр базасында техник берләшмәләрне үстерү буенча проектларның республика конкурсында җиңгәннән соң мөмкин булды. Проект авторы - мәктәп директорының сыйныфтан тыш эшләр буенча урынбасары Людмила Никифорова.