Лаеш районында үзара салым буенча халык референдумы башланды

Үзара салым булачакмы яки юкмы - авыл һәм шәһәр кешеләренә әлеге сорауга җавап бирергә кирәк булачак.
Район өчен үзара салым яңалык түгел. Авыл хезмәтчәннәренең үзләреннән җыелган акчаларны тоту тәҗрибәсе бар инде. Кайбер авылларда зират коймаларын яхшырттылар, икенчеләрендә авыл юлларын ремонтладылар. Шулай булгач, торак пунктларны төзекләндерүдәге үзгәрешләр бюллетеньдә куелган сорауга җавап биргәндә уйланырга мәҗбүр итә.
Иртәнге җидегә инде тавыш бирү өчен кабиналар әзерләнгән, урналар печатьләнгән, комиссия әгъзалары сайлаучыларны кабул итәргә әзер.

Лаеш шәһәренең 1781 клуб участогында сәгать 7.30 га 15 кеше тавыш бирде инде. Монда 1176 сайлаучы теркәлгән.

Ә Лаеш техник-икътисад техникумында урнашкан участокта - 843. Тавыш бирү урнасына бюллетеньне иң беренче булып балар тернәкләндерү үзәге хезмәткәре Татьяна Садриева салды.