Моны белү кирәк

1 июльдән чит кешеләрнең шәхси мәгълүматларыннан дөрес файдаланмаган өчен һәм аларны саклау законнарын үтәмәгән өчен җәза катгыйланды. Шәхси мәгълүматларны эшкәрткәндә канун бозган өчен гражданнарга максималь штраф 5 мең сум тәшкил итә, вазифаи затларга - 20 мең, ә юридик затларга җәза 75 мең сумга төшә. Моннан тыш, хәзер шәхси мәгълүматлар өлкәсендә административ хокук бозулар турында эшләрне Роскомнадзор кузгата. Әлегә кадәр бу прокуратура карамагында иде.

5 июльдән авырлыгы 0.25 кг.дан 30 килограммга кадәрге очучысыз оча торган очу аппаратларын гражданнар һава судноларын исәпкә кую үрнәгендә теркәргә кирәк. Әгәр дрон хуҗасы хөкем ителгән яки рәсми төстә наркоман дип танылган булса, ул оча торган аппаратка идарә итү хокукын югалтырга мөмкин. Дронны теркәүгә гаризаны интернет аша бирергә була. Ә бу якынча 300 сумга төшә.