Педагоглар укый

Лаешның "Бәхетле бәләкәч" балалар бакчасы базасында район тәрбиячеләрен өйрәтү семинары булды.

Яр Чаллыдан психологик-медик-социаль озата бару үзәге белгечләре балалар бакчасыннан чыгучыларның мәктәпкә әзерлек мониторингын үткәрү тәҗрибәсе белән уртаклаштылар. Алар тәкъдим иткән диагностик материал балалар бакчаларының әзерлек төркемнәрендә тәрбияләнүчеләрнең уку эшчәнлегенә нигез шартларның, мотор күнекмәләр, киңлекне күзаллаулары формалашу дәрәҗәсен бәяләргә мөмкинлек бирә. Фикер йөртү эшчәнлегенең үзенчәлекләрен дә күрергә була. Елга ике тапкыр үткәрелүче диагностика баланың индивидуаль үзенчәлекләрен исәпкә алып максатчан коррекция эше башкару мөмкинлеге бирә.