Хуҗалары турында өйгә карап хөкем итәләр

Бу елмайган ир белән хатынга карагач, аларның нык хуҗа, хезмәт сөючән кешеләр, кайгыртучан әби белән бабай булуларын аңлыйсың. Татар Янтыгында яшәүче Әнисә һәм Илгизәр Мөхәммәтҗановлар өч бала тәрбияләп үстергәннәр. Үз оныкларына сөенеп туя алмыйлар. Илгизәр колхозда тракторчы, ә аның хатыны тегермәндә эшләгән. Хәзер алар икесе дә пенсиядә, бакча белән шөгыльләнәләр, яшелчә, җиләк-җимеш үстерәләр. Өй хуҗасы оста куллы төзүче, ул ярдәм яки киңәш сорап килгән беркемне дә кире бормый.