Совет эше – социаль өстенлекләр

Яңа ел башында җирле үзидарә органнары эшчәнлегенә йомгак ясау, төп өстенлекләрне исәпкә алып һәм проблемалы бурычларны хәл итеп киләчәккә планнар билгеләү гадәткә кергән. Районыбызның һәр торак пункты - үз кешеләре булган кечкенә дәүләт. Аларның көндәлек проблемаларын хәл итү җирлек башкарма комитеты һәм советы йөзендә җирле хакимият өстендә.

Бу вазифаның никадәр катлаулы һәм җаваплы булуы турында әңгәмә барышында хәбәрчебезгә Габишево авыл җирлеге башкарма комитеты җитәкчесе вазифаларын вакытлыча башкаручы Ирина Матвеева сөйли.

-Ирина Геннадьевна, йомгак ясап, 2014 елның иң әһәмиятле, мөһим вакыйгаларына тукталыйк.

-Безнең төп бурыч - халыкның тормыш дәрәҗәсен яхшыртуны кайгырту, авыл кешеләренең бар ихтыяҗларын канәгатьләндерү һәм, беренче чиратта, яшәү өчен уңайлы шартлар белән тәэмин итү, социаль проблемаларны чишү. Өй туйлары яхшы гадәткә әйләнде. 2014 елның сентябрендә Бөек Ватан сугышы ветераннары һәм яшь гаиләләр өчен 27 квартирлы торак йортка тантаналы күчү булды. Бу Габишевода бишенче яңа торак йорт. Тагын 60 квартирлы йорт төзелеше башланды. Мәдәни-спорт үзәгенең 20 еллыгы мөһим вакыйга булды. Аның юбилее уңаеннан зур бәйрәм концертында артистлар һәм безнең ягыбыз бай булган яшь талантлар катнашты. 2014 елда гына да үзәк коллективы 247 чара үткәргән, шул исәптән күчмә чаралар да. Сабантуй зурлап һәм киң күңеллелек белән үткәрелде. Хәзер төстә Бөек Җиңүнең юбилеен бәйрәм итәргә әзерләнәбез.

-Ирина Геннадьевна, Габишевода тормыш тәэмин итү һәм төзекләндерү проблемалары ничек хәл ителә?

-Бу безнең эшчәнлекнең иң мөһим секторларының берсе, ул һәр көнне игътибар таләп итә. 2014 елның 1 августыннан халыкка җылылык белән тәэмин ити һәм кайнар су белән тәэмин итү буенча хезмәт күрсәтү "Инженерлык технологияләре" РСК" ЧҖҖгә тапшырылды. 2015 елда күп квартирлы йортларны индивидуаль җылытуга күчерү буенча эш башланды. "Габишево" ЧҖҖ 11 йортта капиталь ремонт ясады. Торак йортның өч керү урыны ремонтланды. Урамнарны яктыртуны реконструкцияләү үткәрүгә 2 миллион сум тотылды.

Почта элемтәсе бүлеге бинасына капиталь ремонт ясалды, җиһазлары тулысынча алыштырылды.

Төзекләндерү өлкәсендә дә аз эшләнми: кар чистартабыз, урамнар һәм юлларны, зират территориясен чиста тотарга тырышабыз.

Каты көнкүреш калдыклары өчен 10 контейнер алынды һәм алты мәйданчык төзелде. "Моховое" күлен тәртипкә китердек. Игълан ителгән "Парклар һәм скверлар елы" кысаларында авылыбызны яшелләндерү буенча "Яшел дулкын" акциясен планлаштырабыз.

-Сезнең карамакта белем бирү учреждениеләре бар. Бу юнәлештә ниләр эшләнә, планнарыгыз нинди?

-Габишево урта мәктәбендә 302 укучы, алар ике сменада укыйлар. Җәен мәктәпкә косметик ремонт ясадык. Уку йортының матди базасын төрле яклап ныгытырга тырышабыз. Мәсәлән, иң яхшы мәктәп яны участогына район конкурсында алынган приз фондына ике видеопроект сатып алдык. "Туган мәктәбеңә булыш" акциясе кысаларында мәктәпне элек тәмамлаучылар интерактив җайланмалар комплекты бүләк иттеләр. Безнең проблемабыз берәү - мәктәп бинасына капиталь ремонт таләп ителә, аңа киләсе елда 30 ел була.

Балалар бакчасына 192 бала йөри, 2014 елда өстәмә ясле төркемен капиталь ремонтладык һәм җиһазладык, балалар бакчасы биналарына ремонт ясадык һәм кер юу бүлмәсе өчен җайланмалар сатып алдык. Бакча бинасына 32 ел, капиталь ремонт кирәк.

-Сез җирле үздарә органнары эшчәнлегендә нәрсәне иң мөһиме дип саныйсыз?

-Икенчел проблемалар юк. Авылыбызның тормыш эшчәнлеген яхшырту өчен максимум хезмәт куярга кирәк. Ә бу районның һәм тулаем республиканың да социаль икътисады үсешенә уңай йогынты ясау дигән сүз. Болар барысы - безнең уртак бурыч.