Тешләр сәламәт булсын өчен

Лаешлылар һәм шәһәр кунаклары яңа ел бәйрәмнәрен бәйрәм табыны артында шаулап билгеләп үттеләр.
Сый-нигъмәт шулкадәр күп иде, кайчак хәтта тешләр һәм пломбалар да түзмәде. Балалар һәм өлкәннәр ашаган баллы ризык тешләр торышына тискәре йогынты ясаган. Шуңа күрә беренче эш көнендә кешеләрнең кемгә баруын аңлау кыен түгел. Әлбәттә инде, теш табибына. Түләүле стоматология кабинетының табибы сүзләре буенча, кичә теше авыртып килгән кешеләрнең исәбе-хисабы булмаган. Шунысы кызык, чиратта Казаннан Лаешка кунакка яки дачаларына кайткан кешеләр күпчелекне тәшкил иткән. Бар тешләр дә дәваланган. Мөгаен, әлеге һөнәр белгечләре беркайчан да эшсез калмаслар.