Уңышка юл буларак кеше факторы

Хәерби фермасы терлекчеләре үз алларына терлекләрне кышлатуның төгәлләү этабында терлекчелек продукциясе җитештерүнең югары планкасын куялар.

-Бу безнең эш стиле - ирешелгәндә туктап калмау. Шуның аркасында күп нәрсәгә ирешәбез. Мәсәлән, узган ел сөт җитештерү аннан алдагы ел белән чагыштырганда ике процентка диярлек артты. Соңгы ике кышкы ай эчендә бер сыердан уртача 600 кг сөт савып алдык, - дип җитештерү эшчәнлегенә йомгак ясый җирле авыл хуҗалыгы предприятиесе директоры Радик Вафин.

Җитештерү күрсәткечләре югары булган саен, авыл хуҗалыгы җитештерүчеләренең базарга чыгу һәм сату күләмен арттыру мөмкинлекләре дә күбрәк. Хуҗалыкта сөт бизнесын да, ит бизнесын да ышанычлы төстә үстерәләр. Ферма хезмәткәрләре кышкы айларда да нәтиҗәлелекне арттыру өчен барын эшли. Авыл хуҗалыгы җитештерүчеләренә ярдәм итүче мөмкинлекләр турында хуҗалыкта алдан кайгырталар. Җәй айларында, мәсәлән, кышка җитәрлек азык әзерләү белән шөгыльләнәләр. Җирле терлекчеләргә азык һәм башка ресурсларны кулланганда хуҗаларча сакчыллык хас. Шуңа күрә бүген маллар алдында печән дә, сенаж да бар. Сыерлар рацион буенча тиешле концентратлар нормасын да ала. Терлекләрнең продуктлылыгына бу язгы көннәрдә табигать факторы да уңай тәэсир итә. Һәр көнне билгеләнгән вакытта савым көтү саф һавага чыгарыла. Актив моцион өчен хуҗалыкта махсус маршрут бар. Терлекчеләр өчен дәүләт ярдәме чаралары зур ярдәм булган. Мәсәлән, узган җәйдә терлекчелек объектларын капиталь ремонтлау программасы буенча бозаулату бүлегендә реконструкция үткәрелгән.

Урта Девятово товарлыклы-сөтчелек фермасы терлекчеләре кулланучыларга көн саен югары сыйфатлы дүрт тоннадан артык сөт җибәрә. Ел башыннан уртача һәр сыердан 700 литрдан артык продукция җитештерелгән. Терлекләрне асрауның кышкы шартлары терлекчеләргә куелган бурычларны уңышлы үтәргә комачауламый. Авыл хуҗалыгы һәм азык-төлек идарәсенең җитештерү-маркетинг бүлеге начальнигы Оксана Афанасьева сүзләре буенча, әлеге авыл хуҗалыгы предприятиесенең үзенчәлеге - кадрлар сәясәте. Терлекчеләр коллективында барлык вакансияләр бары тик үз кешеләре исәбенә генә комплектланган. Баш зоотехник Ирина Щекотова, бригадир Ирина Сарбаева, көтүне яңарту буенча технолог Ольга Новикова, баш ветеринария табибы Андрей Руслов авылда төпләнеп калганнар һәм туган хуҗалыклары муллыгы өчен уңышлы эшлиләр. Сыер савучылар, бозау караучылар, терлекчеләр - барысы да үзләренеке, җирле кешеләр. Бу бүген мондый дәрәҗәдәге авыл хуҗалыгы предприятиеләре өчен сирәк күренеш.

Тормыш кеше факторына таянуның теләсә кайсы тармакта уңышлы эшләү өчен төп шарт булуын раслый, ә тугыз ай кыш була торган терлекчелектә аеруча.