Янгыннар саны кими

Ә һәлак булганнар һәм зыян күрүчеләр саны арта - статистика мәгълүматлары шуны раслый.

2014 елда Лаеш районы территориясендә 118 янгын килеп чыккан (2013 елда - 121). Аларда биш кеше һәлак булган. Кызганычка каршы, 2013 елның шул чоры белән чагыштырганда ике кешегә күбрәк. Моннан тыш, янгыннарда биш кеше зыян күргән (2013 елда зыян күрүчеләр булмаган).

-Кызганычка каршы, янгын килеп чыгу сәбәбенең 90 %ы торак милекчеләренең үзләреннән тора, - дип хәлгә аңлатма бирә Лаеш районы буенча күзәтчелек эшчәнлеге бүлеге начальнигы Егор Фомин. - Шуңа күрә яңа, 2015 елда тагын бер кат искәртәсе килә: янгын куркынычсызлыгының элементар таләпләрен үтәү сезне бәладән саклап калырга мөмкин.