Үз укытучыларыбызны онытмыйбыз

Лаеш техникумы хезмәткәрләре һәм студентлары уку йорты ветераннары өчен бәйрәм кичәсе үткәрде.

Очрашу өчен сәбәп тантаналы иде - ЛТЭТның берьюлы берничә элекке хезмәткәренең туган көнен һәм ТАССРның атказанган укытучысы Людмила Шипилованың юбилеен билгеләп үттеләр. Ул чирек гасыр диярлек укытучы булып эшләгән һәм күп кенә төпле белгечләр һәм яхшы кешеләр тәрбияләгән. Людмила Юрьевна актив тормыш рәвеше алып бара һәм сәяхәт итәргә бик ярата.

Техникум студентлары һәм хезмәткәрләре кунаклар өчен яраткан җырларын җырладылар, шигырьләр сөйләделәр, күңелле викторина үткәрделәр. Кичә кунакларына бүләкләр тапшырдылар һәм бәйрәм табыны әзерләделәр. Людмила Юрьевна тантанага махсус үзенең "фирменный" кишер бәлешен пешергән. Килгән бар кешегә ул бик ошады, ә студентлар аның рецепты белән уртаклашуын үтенделәр.

-Үз укытучыларыгызны истә тоткан өчен рәхмәт сезгә, - дип чакыру өчен рәхмәт белдерде юбиляр. - Димәк, мин гомеремне юкка гына кешеләргә хезмәткә багышламаганмын.

Лаеш техникумында атаклы хезмәткәрләрне хөрмәт итәләр һәм беркайчан да игътибарсыз калдырмыйлар.