Тотып карарга рөхсәт ителә

Казан, Мәскәү һәм Россиянең башка төбәкләрендә яшәүчеләр экспонатлар карау һәм экскурсоводны тыңлауга гына өстенлек бирмиләр. Аларның үзләрен рәссам, тимерче ролендә хис итү теләкләре зур. Туризмның бу төренә ихтыяҗ булуын исәпкә алып музей хезмәткәрләре "Көзге карусель" вакыйгалы экскурсияләр циклы оештырдылар, ул музей залларының берсендә театральләштерелгән тамашаны күздә тота. Район мәдәният йорты һәм тимерчелек туристларның яраткан урынына әйләнеп бара, анда аларга ташка бизәк ясау һәм металлдан роза таҗчыклары чүкү алымнарын күрсәтәләр. Лаеш кунаклары өйләренә үз куллары белән эшләнгән сувенирлар алып кайту өчен кулларына пумала яки чүкечне теләп алалар.