Эчкечелеккә каршы көрәш

Узган атнада Лаеш районы территориясендә исерек хәлдә транспорт чаралары белән идарә иткән 14 кешегә беркетмә төзелде.

Аларның өчесе элек инде йөртү хокукларыннан мәхрүм ителгән булган. Ә авто хуҗаларының берсе рульне аек булмаган үсмергә биргән. Үзе бу вакытта пассажир урынына утырган. Машина йөртүче дә, машина хуҗасы да, балаларын дөрес тәрбияләмәгән өчен үсмернең әти-әниләре дә җәза алачак.

Ике йөртүчегә карата исерек килеш машина йөрткән өчен кабат тоткарланганлыктан, җинаять эшләре кузгатылды. Тагын икесе автотранспорт белән идарә итәргә хокуклары булмаган килеш трассага чыккан.