Милек салымнары. Ставкалар. Ташламалар

Федераль закон тарафыннан милек салымнарын исәпләү тәртибенә һәм түләү срокларына үзгәрешләр кертелде.

Транспорт салымы

РФ Салым кодексының 357 маддәсенә ярашлы төстә, транспорт салымын сату-алу килешүен төзү датасына яки транспорт чарасын ышаныч кәгазе буенча сату датасына бәйсез төстә транспорт чарасы теркәлгән зат түли. Шулай итеп, транспорт чарасын исәптән төшергәнче салымны сатучы түли, ә аны сатып алучыга тапшырып исәпкә куйганнан соң - яңа хуҗасы.

РФ Салым кодексының 362 маддәсенә ярашлы төстә, бәясе 3 миллион сумнан артыграк булган автомобиль хуҗалары салымны арттыручы коэффициентларны исәпкә алып түлиләр:

1,1 - бәясе 3 тән 5 миллион сумга кадәр, чыккан елыннан 2 дән 3 елгача вакыт үткән җиңел автомобильләргә карата;

1,3 - бәясе 3 тән 5 миллион сумга кадәр, чыккан елыннан 1 дән 2 елга кадәр вакыт үткән;

1,5 - шул ук бәядән, чыккан елыннан 1 елга кадәр вакыт үткән.

Бәясе югарырак булган автомобильләргә транспорт салымы түләү турында мәгълүматларны ФСХ идарәсенең рәсми сайтыннан табарга була. Физик затларга транспорт салымын узган салым чорыннан соң килүче елның 1 октябреннән соңга калмый түләргә кирәк.