Сезнең яраткан хайваныгыз

Ай ярым дәвамында укучыларыбыз үзләренең йорт хайваннары турында хикәяләр һәм фото сүрәтләрне газетага һәм сайтка җибәрделәр. Конкурста катнашучыларның барысы да үзенчә яхшы: күңелле ишегалды песие Кузя да, аның адашы "Домовенок Кузя" кушаматлы попугай Кузьма да, ягымлы Фиби да, шулай ук Катя Кучкованыц күңелле гаиләсе дә, барысын санап бетерү мөмкин дә түгел. Укучыларыбыз актив тавыш бирмәделәр, шуңа күрә җиңүчене сайтта караулар саны буенча билгеләдек. Шулай итеп, безнең вернисажда Бублик исемле мәче җиңүче булды - колаклары салынып торган мәрмәр төсендәге британец, аңа 1 яшь тә 7 ай. Аның хуҗасы Зарина Мингалиеваны чәршәмбе көнне, 19 августта 15.00 сәгатьтә редакциягә Бублик өчен бүләк алырга чакырабыз.