Лаеш районы башлыгы дин әһелләре белән очрашты

Лаеш муниципаль районы башлыгы Михаил Афанасьев руханилар белән очрашу уздырды. Анда авыл җирлекләре башлыклары, районыбызның рус православие чиркәвенең барлык мәхәлләреннән дин әһелләре катнашты. Фикер алышу үзәгендә мөһим мәсьәләләр, шул исәптән милләтара һәм конфессияара хәл, террорчылыкка каршы көрәш турындагы сораулар булды. Михаил Афанасьев үз чыгышында җыелганнарны районның социаль-икътисади үсеше йомгаклары белән таныштырды. Лаеш районы дин башлыгы иерей Федор атакай руханиларны борчыган проблемаларны атады, шулай ук дин әһелләренең үсеп килүче буынны әхлакый яктан тәрбияләүгә керткән өлеше турында сөйләде, якшәмбе православие мәктәпләре эше турында мәгълүмат бирде. Конструктив әңгәмә азагында Михаил Афанасьев руханиларның барлык сорауларына җавап бирде.