Нәрсә күпме?

Узган атна эчендә азык-төлеккә бәяләр бераз үсте. Мәсәлән, кәбестәгә - 10 %ка, кишергә - 6,8 %ка, бәрәңге һәм башлы суганга - 5-5,2 %ка, алмага - 3,4 %ка.

Шулай ук шикәр, сыр, көнбагыш мае, туңдырылган балык, сыер итенә бәяләр күтәрелде - уртача 2,1-2,9 %ка. Йомырка, вермишель, каймак, 2,5-3,2 % майлылыктагы пастеризацияләнгән сөт, тоз, майлы эремчек һәм дөге бәяләре 0,9-1,9 %ка арткан. Стерильләштерелгән сөт, казылык, бодай оны, арыш-бодай икмәге, чистартылган тавык, сыер мае бәясенең үсеше 0,2-0,7 % белән билгеләнгән. Аның каравы карабодайга бәяләр 0,3 %ка төште. Беренче сортлы бодай оныннан икмәккә һәм аракыга бәя үзгәрешсез калды.