Кама ягы

Лаеш шәһәре

Рус Тат
җәмгыять

Ел кешесе

Һәркемгә дә шулай юмарт яшәү - кешеләргә истәлеккә урамнар бүләк итү язмаган. Бу кешенең искиткеч язмышыннан һәркем көнләшерлек. Григорий Рыбинны Никольский авылында барысы да белә. Ул иң беренче төзүче. Үз куллары белән төзегән урамда ул дистәләрчә ел яши. -Безнең Григорий Кузьмич прораб булып эшләгәндә "Волжский" совхозының сигез директорын, "Золотой колос"...

Һәркемгә дә шулай юмарт яшәү - кешеләргә истәлеккә урамнар бүләк итү язмаган.

Бу кешенең искиткеч язмышыннан һәркем көнләшерлек. Григорий Рыбинны Никольский авылында барысы да белә. Ул иң беренче төзүче. Үз куллары белән төзегән урамда ул дистәләрчә ел яши.

-Безнең Григорий Кузьмич прораб булып эшләгәндә "Волжский" совхозының сигез директорын, "Золотой колос" агрофирмасының өч җитәкчесен һәм "Семиречье"да тагын берничә җитәкчене "алыштырды", - дип сөйли үзенең якташы турында Каравон тарихы музее мөдире Сергей Трусов.

Барысы да 1954 елда Бурят АССРның Играевский районы Чултай авылында безнең герой туудан башлана. Гаиләдә дүрт бала. Еш күчеп йөриләр, чөнки әтиләре, Кузьма Филиппович төзүче, скреперист була. Казахстанда, Пенза өлкәсендә яшиләр. Мәктәпне тәмамлаганнан соң Григорий әтисе белән бергә "Пензоводстрой" ПМКда эшли. Плотиналар төзиләр. 1971 елда төзелеш институтына авыл хуҗалыгы төзелеше факультетына укырга керә. Булачак прораб укыганда ел саен төзелеш отрядларында эшләп, булачак һөнәренең асылына төшенә. Студентлар өй салу өчен саманны үзләре ясыйлар. Студент отрядында Григорий булачак хатыны, медучилище тәмамлаган Фаина белән таныша. Институт тәмамлаганнан соң яшьләр билгеләнү буенча Татарстанга киләләр. Григорий Кузьмичка шунда ук Лаеш районы "Волжский" совхозында прораб урынын тәкъдим итәләр. Ул чакта аның директоры Якуб Могинов була. Ул белгечләр һәм яңа өйләнешкән парга шунда ук ике бүлмәле квартир бира.

Моңа кадәр авылда прораблар еш алышынган була, Григорийга авырга туры килә. Аның кул астында 42 кешедән торган бригада һәм төзелеш цехы белән агач эшкәртү җайланмасы була. Фермалар һәм җәйге лагерьлар төзү өчен агачны үзләре әзерлиләр. Яшь прорабка бригадир Александр Северьянов бар нәрсәдә булыша. 1979 елда Никольский авылын үстерүнең генераль планын кабул иткәннән соң эш кайный башлый.

200 квартир, мәдәният йорты, чистарту корылмалары төзү каралган була. Бу планнар 1980 елда "Волжский" совхозы директоры итеп билгеләнгән Анатолий Демидов вакытында тормышка ашырыла.

-Төзелеш масштаблары турында атна саен штаб-планеркаларны шәхсән район башкарма комитеты рәисе Василий Ионов үткәрү факты сөйли, - ди Сергей Трусов.

Пиголи авылына илтүче юл буена яңа урам салу - Григорий Рыбинның шәхси идеясе. Бер ел эчендә беренче ун фундамент салына. Икенче елны щитовой өйләр урнаштырыла һәм аларда совхоз белгечләре, бюджет өлкәсе хезмәткәрләре, эшчеләр гаиләләре яши башлый. 1993 елда тагын 10 йорт төзиләр, ә урам исеме "Яңа" булып кала. Рыбиннар гаиләсе дә монда яши, шушы урамда аларның балалары һәм оныклары туа. Хәзер Рыбиннар Беренче май урамында яшиләр, аны да атаклы прораб үзе сала. Кырык ел - аз вакыт түгел. Кешеләргә багышланган тормыш. Бәлки шундый чор җитәр, Никольский урамнарының берсен беренче төзүче исеме белән атарлар.

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев