Казанга, ярминкәгә

Иртәгә районнан Казанга республикада яшәүчеләр өчен азык-төлек белән сәүдә кәрваны юл алачак. Чехов базарында үтәчәк сезон ярминкәсендә төп авыл хуҗалыгы продукциясе житештерүчеләр катнашачак.

Узган көздә район хуҗалыкларыннан республика башкаласына инде алты тапкыр массакүләм бару оештырылган иде. Сезон ярминкәләре барышында продукция сатудан гомумән алганда 12 миллионнан сумнан артык акча кергән. Лаешлы авыл хуҗалыгы җитештерүчеләреннән сөт, ит, йомырка, яшелчә продукциясенә шәһәр кешеләре арасында сорау зур. Безнең аграрийлар катнашында быел соңгы ярминкә Казанда 20 декабрьдә үтәчәк.