Коелган яфрак кыштырдавы астында

Узган ялда Лаешның шигърият сөючеләре шундый исемдәге шигъри кичәгә җыелды. Аны Светлана Левандовская-Фомина һәм Зинаида Павлова истәлегенә багышладылар.

Үзләренең иҗат буенча коллегаларын искә алып, "Орфей" клубы әгъзалары шигырьләр укыдылар. Шулай ук киләчәккә планнар билгеләделәр. Беренче чираттагылары арасында - шигъри клубның беренче рәисе Светлана Левандовская-Фоминаның шигырьләр җыентыгын яңадан бастыру. Бу, барыннан да элек, аның иҗатын яратучыларның күпсанлы үтенече белән бәйле. Яңа җыентык зур тираж белән чыгачак һәм яңа шигырьләр белән тулыланачак. Клуб әгъзалары коллегалары каберләренә чәчәкләр салдылар һәм үз остазларын бер минут тын торып искә алдылар.