Кама ягы
  • Рус Тат
  • Коткаручылар эшсез калмас

    Мартның беренче ункөнлегендә республика сулыкларында снегоходларның боз астына китүенең уннан артык очрагы теркәлгән. -Район сулыкларында да куркыныч хәл саклана. Кисәк җылыту белән боз тиз эри башлый, ә су агымы көчәю бозны астан ашый. Һәр көн белән ул көпшәкләнә һәм ышанычсызга әйләнә, ярыклар һәм җылулар барлыкка килә. Кайбер урыннарда боз шулкадәр...

    Мартның беренче ункөнлегендә республика сулыкларында снегоходларның боз астына китүенең уннан артык очрагы теркәлгән.

    -Район сулыкларында да куркыныч хәл саклана. Кисәк җылыту белән боз тиз эри башлый, ә су агымы көчәю бозны астан ашый. Һәр көн белән ул көпшәкләнә һәм ышанычсызга әйләнә, ярыклар һәм җылулар барлыкка килә. Кайбер урыннарда боз шулкадәр юка, биш сантиметрдан да артмый. Ә кар көртләре астында боз капламы бөтенләй калмаган диярлек, - дип куркыныч турында кисәтә ГИМС үзәгенең Лаеш инспекторлык участогы җитәкчесе Александр Пыренков. - Әмма боз астыннан балык тотарга яратучыларны сулыклардагы мондый хәл туктатмый. Бу көннәрдә күп балыкчыларны аеруча Лаеш, Ташкирмән, Атабай яр буйлары тирәсендә күрергә мөмкин.

    Тормыш күрсәткәнчә, бу вакытта елга һәм күлләргә кызыксынып кына килүче яшүсмерләр дә үзләрен куркыныч астына куя. Өлкәннәрнең бурычы - балаларны куркыныч күңел ачулардан саклап калу.

    Якын көннәрдә районга һава мендәрле судно килү көтелә. Коткаручыларның тәүлек әйләнәсе дежур торуы - кирәкле эш, әлбәттә. Узган кышның беренче аенда бер үк вакытта районның төрле почмакларында йөзләрчә балыкчыны бәладән коткарырга туры килүен искә төшерсәк, әлеге хезмәт тиз генә эшсез калмас дип фаразларга була. ГИМС хезмәткәрләре сүзләре буенча, аек акылга колак салып, бу көннәрдә ышанычсыз юка бозга чыгудан, ул соңгы чыгу да булырга мөмкин бит, баш тартырга теләүчеләр хәзергә күп түгел.

    Нравится
    Поделиться:
    Реклама
    Комментарии (0)
    Осталось символов: