Лаеш районында беби-бум

Безнең райондагы демографик хәл шатландыра. Узган елда Лаеш үзәк район хастаханәсендә 555 яшь граждан дөньяга килгән.

Аларның 343е Лаеш ЗАГСында теркәлгән. Беби-бум җәмгыятьтәге тотрыклылык, халыкның тормыш дәрәҗәсе лаеклы булу турында сөйли.

Лаеш үзәк район хастаханәсенең бала табу бүлеге педиатры Марина Егорова мәгълүматы буенча, 2016 елда беренче туган бала - 2900 грамм авырлыктагы малай. Ул үзенең дөньяга килүе белән әти-әнисен 4 гыйнварда куандырган. Бүгенге көнгә биш лаешлы туган, аларның дүртесе малай, берсе кыз.