Кама ягы
  • Рус Тат
  • Әни булып эшләү катлаулы 

    Бала авыруы әнисенең күп көчен һәм вакытын ала. Мондый хәлдә хатын-кыз матурлыгын һәм гүзәллекне ничек саклап калырга? 

    Фотоны Зөһрә Лезина бирде 

    Әни булу җиңел түгел. Әгәр моңа бала чире өстәлә икән, ана кулына йөкләнеш йөз мәртәбәгә арта. 

    Йөз тапкыр күбрәк сабырлык, түземлек, кайгыртучанлык һәм мәхәббәт таләп ителә. Һәм, әлбәттә, вакыт. Ул үзеңә калмый да. Ә бит һәр хатын-кызның яшьрәк тә, матуррак та буласы килә. Моны аңлап, балалар шәфкатьлелек ордены җитәкчесе Зөһрә Лезина һәм аның даими ярдәмчеләре һәм иганәчеләре Ләйсән һәм Альберт Җәләевлар сәламәтлек мөмкинлекләре чикле балалар һәм аларның әти-әниләре катнашучы чаралар уздыралар. Ата-аналар балалар белән бергә "дөньяга чыга", атмосфераны үзгәртә, бик күп уңай эмоцияләр ала. 

    -Шундый очрашуларның берсен «Преображение» дип атадык, - ди Зөһрә Сәлимовна. – Без район мәдәният йортына инвалид балаларны һәм аларның әниләрен, шулай ук күп балалы һәм тәрбиягә бала алган гаиләләрне чакырдык. Балаларны аниматорларга җибәрдек, алар фокуслар, уеннар, конкурслар белән күңел ачтылар. Ә әниләр бу вакытта чәч, тире һәм кул тиресен дөрес карау буенча консультация алдылар. Аларга макияжны ничек дөрес итеп салу турында сөйләп кенә калмадылар, ә осталык сәгате дә үткәрделәр, аннан соң барлык әниләр дә үзгәрде. Профессионаллар салган макияж аларның тышкы кыяфәтен үзгәртте, һәр әнигә үзенчәлекле шарм бирде. 

    Балалар ордены кунаклары көнне мәдәният йортында үткәрделәр. Шөгыльләр генә түгел, сый-нигъмәтләр дә уйланылган иде. Һәр бала күңелле бүләк алды. 

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: