Кама ягы
  • Рус Тат
  • Сокуры – Татарстан йөзе

    Лаеш район башлыгы урынбасары Илгизә Тимершина җирле үзидарә органнары эшенә нәкъ менә шундый бәя бирде. Авыл җирлеге отчет сессиясенә Сокуры һәм Обухово торак пунктларында яшәүчеләр җыелды. Авыл мәдәният йортында җирле предприятиеләр, шулай ук кул эшләре осталары әйберләре күргәзмәсе оештырылган. Илгизә Нәҗиповна "Сокуры" сәнәгать паркы продукцияләрен кызыксынып карады. Сокуры һәм Обуховода...

    Лаеш район башлыгы урынбасары Илгизә Тимершина җирле үзидарә органнары эшенә нәкъ менә шундый бәя бирде.

    Авыл җирлеге отчет сессиясенә Сокуры һәм Обухово торак пунктларында яшәүчеләр җыелды. Авыл мәдәният йортында җирле предприятиеләр, шулай ук кул эшләре осталары әйберләре күргәзмәсе оештырылган. Илгизә Нәҗиповна "Сокуры" сәнәгать паркы продукцияләрен кызыксынып карады.

    Сокуры һәм Обуховода инфраструктураны яхшырту буенча зур эш алып барыла. Аның нәтиҗәләре турында Сокуры авыл җирлеге башлыгы Анатолий Новиков хисап тотты.

    -Җирлек күзгә күренеп зурая,- дип белдерде Анатолий Александрович. - Узган елда 38 яңа торак йорт һәм 96 дача хуҗалыгы барлыкка килде. Халык саны 139 кешегә артты. "Сокуры сәнәгать паркы", уңышлы эшләү нәтиҗәсендә эш урыннары барлыкка килә. Авылларның инфраструктурасы проблемалары хәл ителә. "Чиста су" программасы буенча Мәктәп һәм Мишә урамнарында суүткәргеч алыштырылды. Садовая урамында яктыру үзгәртелде. Күл төзекләндерелде, фонтан барлыкка килде. Сокурыда үскән искиткеч агач - 280 яшьлек караманы саклап кала алдык.

    Әмма шул ук вакытта хәл ителмәгән проблемалар да бар әле.

    -Балалар бакчасында урыннар җитми,- дип билгеләп үтте җирлек башлыгы. - Ул 2015 елда ачылды һәм 140 балага исәпләнгән иде. Хәзер аңа 150 бала йөри. Яңа чират барлыкка килде. Сокурыга тагын бер мәктәпкәчә белем бирү учреждениесе кирәк.

    Авыл җирлеге җитәкчелеге алдында зур бурычлар тора.

    -Үзара салым буенча булган референдум йомгаклары буенча җыелган акчалар чүп-чар җыю өчен контейнер мәйданчыклары урнаштыруга тотылачак,- дип сөйли Анатолий Новиков. - Автоюллар ремонтланачак. Державин урамында тротуар салыначак һәм светофор куелачак. Мәктәп һәм балалар бакчасы янында ясалма тигезсезлекләр барлыкка киләчәк. Обуховода суэтем башня урнаштырылачак.

    Участок өлкән уполномоченные полиция майоры Радик Сафин хокук тәртибе һәм хокук бозуларны профилактикалау торышы турында бәян итте.

    -Сокуры авыл җирлегендә 15 урлау очрагы булды, шуларның сигезе ачылды,-дип дәвам итте Радик Галим улы.-Яшьләр арасында экстремистлар идеологиясе таралу һәм кешеләрне террорчылык эшчәнлегенә тарту куркынычы бар. Уяулык күрсәтегез, җинаятьчеләр теләсә кайда яшеренергә мөмкин.

    Илгизә Тимершина җирле үзидарә органнары эшенә югары бәя бирде.

    -Сокуры - республика турында тәэсирләр туа торган торак пунктларның берсе,- дип мөрәҗәгать итте ул авыл халкына.- Татарстан кунаклары, туристлар Казанга сезнең авыл аша үтә, шуңа күрә барысы үрнәк тәртиптә булырга тиеш. Һәм сезнең эшләр нәтиҗәсе сөендерә.

    Авылда яшәүчеләр район җитәкчелеге белән аралашу мөмкинлеген кулдан ычкындырмадылар. Аларны янгын сүндерү часте булмау, чүп- җыю һәм кар түгү проблемалары борчый. Һәр сорау утырыш беркетмәсенә кертелде һәм игътибарда.Сессия тантаналы нотада төгәлләнде. Уңган эшчәннәргә намуслы хезмәтләре өчен мактау грамоталары һәм бүләкләр тапшырылды.

    Нравится
    Поделиться:
    Реклама
    Комментарии (0)
    Осталось символов: