Кама ягы

Лаеш шәһәре

Рус Тат
җәмгыять

Яшь хуҗабикәгә киңәшләр

-Минеке тагын шалтыратты. Пилмәнне ничек ясарга икәнен сорый, - бервакыт чиратта шундый сөйләшү ишеттем. Ханымнар елмаештылар, ә аннан соң үз тарихлары белән уртаклаша башладылар, үзләренең кулинар тәҗрибәне ничек туплаулары һәм әзерләргә өйрәнгәнче күпме азык-төлекне бозулары турында сөйләштеләр. Бүген без яшь хуҗабикәләргә кирәге чыгачак берничә файдалы киңәш тәкъдим итәбез. -Шулпа тәмле...

-Минеке тагын шалтыратты. Пилмәнне ничек ясарга икәнен сорый, - бервакыт чиратта шундый сөйләшү ишеттем. Ханымнар елмаештылар, ә аннан соң үз тарихлары белән уртаклаша башладылар, үзләренең кулинар тәҗрибәне ничек туплаулары һәм әзерләргә өйрәнгәнче күпме азык-төлекне бозулары турында сөйләштеләр. Бүген без яшь хуҗабикәләргә кирәге чыгачак берничә файдалы киңәш тәкъдим итәбез.

-Шулпа тәмле булсын өчен сөякле ит алыгыз һәм аны салкын суга салыгыз.

-Әгәр шулпа тәме түгел, ә ит яки яшелчәләр тәме мөһим икән, продуктларны кайнап торган суга салыгыз. Тагын бер киңәш: итне эре кисәкле итеп пешерегез.

-Фасоль яки борчак тизрәк пешсен өчен һәр 10-15 минут саен кәстрүлгә берәр аш кашыгы салкын су өстәгез.

-Сарымсак һәм лавр яфрагын ашка пешеп чыгар алдыннан 15-20 минут кала өстәгез, ягъни иң ахырдан. Аннан соң лавр яфрагын алып ташлагыз, шулай булмаганда ашка ачы тәм керергә мөмкин.

-Йомыркаларның яңамы-юкмы икәнен мондый ысул белән белергә мөмкин: аларны тозлы суга салыгыз (бер литр суга 100 грамм тоз). Бозык йомыркалар өскә калкыр, ә яхшылары савыт төбенә төшәр.

-Әгәр сез котлет өчен фарш әзерлисез, ә өйдә йомырка юк икән, борчылмагыз. Ярты кило фаршка ике аш кашыгы крахмал кушыгыз.

-Пешергәндә йомыркалар ватылмасын өчен суга тоз салыгыз яки савыт төбенә астын өскә әйләндереп тәлинкә куегыз.

-Кабыгы белән пешерелгән бәрәңге, чөгендер, кишерне салкын суда суытсаң, чистартуы җиңелрәк. Сүз уңаеннан, пешкән йомыркаларга карата да шундый ук киңәш бирергә була.

-Пешергәндә макароннар ябышмасын өчен суга бер чәй кашыгы үсемлек мае салыгыз.

-Кыздырган ит сусыл булсын өчен, аны башта көчле утта җиңелчә кызарганчы кыздырып алырга, ә аннан соң акрын утта пешереп бетерергә кирәк.

-Ризыкка беркайчан да тозны әзерли башлаганда ук салмагыз.

-Итне туңдыру камерасына юмыйча салыгыз. Ә балыкны башта юыгыз һәм чистартыгыз.

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Лаишевский район