Алтын йөзлектә

Кече Елгадан якташыбыз Гафур Зарипов республика эшмәкәрләренең иң яхшы йөзлегенә керде.

Бу көннәрдә "Корстон" кунакханә сәүдә-күңел ачу комплексында ел саен үткәрелүче "Ел эшмәкәре. Алтын йөзлек" конкурсы лауреатларын бүләкләү тантанасы булды. Составында дәүләт хакимияте органнары вәкилләре, эшмәкәрләр һәм тармак ассоциацияләре вәкилләре булган жюри эшмәкәрлек бердәмлегенең иң яхшы йөз вәкилен сайлап алды, аларның Татарстан Республикасы икътисадын үстерүгә керткән өлешен билгеләде. Конкурс лауреатлары арасында - безнең якташыбыз, Кече Елгадан фермер хуҗалыгы башлыгы Гафур Зарипов та бар. Жюри бизнесменның эшмәкәрлек өлкәсе, үз тармагы һәм гомумән икътисад үсешенә керткән өлешен һәм эшмәкәрлек талантын лаеклы бәяләде.