Кама ягы
  • Рус Тат
  • Кышка әзерлек катлаулы шартларда бара

    Авыл хуҗалыгы - икътисадның аерым төре. Монда һәр көн кадерле, бигрәк тә урак өстендә. Быел һава торышы артык иркәләми: ике ай кояш кыздырды, сентябрьдә исә тоташ яңгыр. Хәзер район терлекчеләренең төп бурычы - продуктлылыкны югалтмыйча һәм сөт сыйфатын киметмичә терлекләрне кышкы утарда асрауга күчерү. Сыерлар инде терлекчелек биналарында асрала. Кышны...

    Авыл хуҗалыгы - икътисадның аерым төре. Монда һәр көн кадерле, бигрәк тә урак өстендә.

    Быел һава торышы артык иркәләми: ике ай кояш кыздырды, сентябрьдә исә тоташ яңгыр. Хәзер район терлекчеләренең төп бурычы - продуктлылыкны югалтмыйча һәм сөт сыйфатын киметмичә терлекләрне кышкы утарда асрауга күчерү. Сыерлар инде терлекчелек биналарында асрала. Кышны ничек уздыралар - күбесенчә азыклар запасыннан тора. Ә аларны әзерләү катлаулы һава шартларында үтә. Бүгенге көнгә 13,5 мең тоннадан артык кукуруз силосы әзерләнгән. Кечкенә сан түгел, әмма планны үтәргә әле ерак.

    -Хәзергә савымны арттыру турында сүз дә булырга мөмкин түгел, - дип саный авыл хуҗалыгы һәм азык-төлек идарәсенең җитештерү-маркетинг бүлеге начальнигы Оксана Афанасьева. - Безнең бурыч - савымны элекке дәрәҗәдә тоту, кимүгә юл куймау. Авыл хуҗалыгы җитештерүчеләре июньдә салынган сенаж базларын ачалар: алар инде өлгерде. Терлекләрне ашатканда концентрацияле азыклар өлешен арттыралар.

    Оксана Николаевна сүзләре буенча, "Хәерби", "Урта Девятово" һәм "Березовка" ЧҖҖләрдә эшләр яхшырак тора. Аларда терлекчелек корылмалары вакытында әзерләнгән һәм продуктлылык та узган елгыдан ким түгел.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: