Безне көзге ярминкә көтә

Шимбә көнне, 24 октябрьдә, Лаешта авыл хуҗалыгы продукциясе сату буенча чираттагы көзге ярминкә булачак.

Күчмә сәүдәдә авыл хуҗалыгы предприятиеләреннән тыш, Казан май комбинаты, балык заводы, азык-төлек комбинаты да катнашачак. Шәһәр кешеләре һәм кунакларына ит, сөт продукциясе, бәрәңге, яшелчәләр, йомырка, май, ашлык, икмәк-күмәч әйберләре тәкъдим ителәчәк. Терлек азыгы халык гаризалары буенча сатыла. Печән, салам кирәк булган кешеләргә алдан ук районның авыл хуҗалыгы идарәсенә гариза бирергә кирәк. Теләүчеләр өчен мәдәни-күңел ачу программасы тәкъдим ителә. Ярминкә 6 сәгать 30 минутта башлана.