Физик затлар милкенә салым

Түләү тәртибе үзгәргән - салым салынучы объектларның инвентарьлаштыру бәясе коэффициент-дефляторга тапкырланачак. Коэффициентлар турында мәгълүматлар коэффициент-дефляторлар билгеләнгән елның 20 ноябреннән соңга калмыйча "Российская газета"да бастырыла. Физик затлар милкенә салым түләү срогы үзгәртелгән һәм узган салым чорыннан соң килүче елның 1 октябреннән соңга калмыйча җирле бюджетка түләнә.

Үзгәрешләр шулай ук салым салынучы объектларның алар нигезендә салым исәпләнүче инвентарьлаштыру бәясе турындагы мәгълүматларга да кагыла. Хәзерге вакытта салым инвентарьлаштыру бәясе турында мәгълүматларның һәр елның 1 гыйнварына торышы буенча исәпләнә. Үзгәрешләр кертелгәннән соң салым билгеләнгән тәртиптә салым органнарына 2013 елның 1 мартына кадәр бирелгән инвентарьлаштыру бәясе турындагы соңгы мәгълүматлар нигезендә коэффициент-дефляторны исәпкә алып исәпләнәчәк.