Халык дружинасы оешу көне

2016 елдан 2 март Татарстан Республикасында әһәмиятле датага әйләнде. Бу җәмәгать тәртибен саклау буенча халык дружиналары булдыру көне.

Хәзерге вакытта Лаеш шәһәре һәм районы буенча дружинниклар саны 160 кешедән артып китә. Җәмәгать тәртибен саклауда актив катнашулары өчен иң яхшы дружинниклар бүләкләнгән. Мәсәлән, Руслан Евдокимов (Пәрәү), Шамил Шәйхиев (Татар Янтыгы), Салават Габдуллин (Имәнкискә), Илһам Хәмәтов (Державино), Илнур Әбелмановка (Лаеш) Россия ЭЭМның Лаеш районы бүлеге Мактау грамоталары тапшырылган. Татарстан Республикасында халык дружиналары эшчәнлеген координацияләү буенча республика штабы Лаеш дружиннигы Наил Фәйзуллинны намуслы хезмәте һәм инициативасы өчен акчалата премия белән бүләкләгән.