Халыкара конкурстан җиңү белән

Лаеш районы балалары талантлы. Йолдызчыкларның берсе - Комлы Ковали мәктәбенең бишенче сыйныф укучысы Динә Җәләлетдинова.

Күптән түгел ул "Илһамият" халыкара сөйләм һәм вокаль сәнгать конкурс-фестивалендә "Аерым җырлау" номинациясендә беренче дәрәҗә лауреат исемен алды.

-Бүген без Динәне яңа уңышы белән котлыйбыз, - дип горурланып хәбәр итә Лариса Иванова. - "Шоу Тайм" вокаль төркеме составында ул "Золотая лира" икенче халыкара балалар һәм үсмерләр фестиваль-конкурсында "Родной край" номинациясендә беренче дәрәҗә лауреат булды.