Лаеш ягы елдан ел яхшыра

Лаеш районында шәһәр һәм авыллар тагын да чистарак, матуррак һәм яшәү өчен уңайлырак булсын өчен зур эшләр эшләнә.

Соңгы елда парклар, бакчалар, юллар нык үзгәрде. Яктыртылмаган урыннар яктыртылды. Коммуналь челтәрләр дә яңара.

2016 елның июлендә Лаешта Горький паркы ачылды. Җәяүлеләр өчен сукмаклары, яшел утыртмалары һәм балалар мәйданчы булган тыйнак бакча шәһәр кешеләренең яраткан ял итү урынына әйләнде. Монда урам көннәре һәм башка бәйрәмнәр үткәрелә.

Сокурыда күл төзекләндерелде: төбе ләмнән, ярлары үсентеләрдән чистартылды. Фонтан урнаштырылды. Иң мөһиме, искиткеч агач - 280 яшьлек караманы саклап калдылар. Хәзер авылда тагын бер истәлекле урын бар.

Пиголи авылында сулыкны торгызу буенча үзгә проект тормышка ашырыла. Монда яшәүче Павел Марьин күлне чистартуга грант отты. Рекультивация буенча эшләргә республика хакимияте, эшмәкәрлек вәкилләре һәм битараф булмаган кешеләрне җәлеп итә алдылар.

ТКХ челтәрләрен яңартуга күп көч куела. Мәсәлән, узган елда Лаешта 490 метр суүткәргеч һәм 180 метр канализация челтәре, шулай ук 48 кое ремонтланган. Хәерби җирлегендә 1200 метр озынлыкта яңа суүткәргеч салынган. Габишевода өстәмә суэтем башня һәм канализация станциясе урнаштырылган: Урамнар яктырту һәр җирдә үзгәртелә. 30 километр озынлыкта ЛЭП капиталь ремонтланган 12 километр озынлыкта яңа линияләр сузылган. Төзелә торган коттедж поселоклардагы яңа кулланучылар актив тоташа. Аларда 15 трансформатор пункты урнаштырылган.

Яшәүчеләрнең көнүзәк проблемаларын хәл итүдә гражданнарның үзара салым акчаларын финанслау буенча республика программасы булыша. Татарстан бюджетыннан да өстәлгәч җыелган акчалар авыл җирлекләре инфраструктурасын яхшырту мөмкинлеге бирде. Юллар салына, яктырту баганалары утыртыла, сулыклар чистартыла. Җирле хакимияткә уртак эшкә өлеш керткән эшмәкәрләр актив ярдәм итә: балалар мәйданчыклары урнаштыру, косметик ремонт һәм башкалар.

Хакимият, бизнес һәм җирле халыкның уртак тырышлыгы белән кайчандыр җиңеп булмастай тоелган проблемалар хәл ителә. Әмма безнең омтылырлык нәрсәләребез һәм туган авылыбыз һәм шәһәрне яхшырту теләгебез бар.