Матурлыкны үтермәгез

Бүген эшкә барганда күңелсез күренешкә тап булдым. Кемдер төнлә "Бәхетле бәләкәч" балалар бакчасы каршындагы гөл чүлмәкләреннән рәхимсез төстә петунияләрне йолкыган. Чәчәкләрнең мескен кисәкләре һәм яфраклары тротуарга сибелгән. Шунысы яхшы, вәхшинең кулы югарыдагы гөл чүлмәкләренә җитмәгән, ә ирек куйсаң ут баганасын да аударырлар иде, мөгаен!

Парклар һәм скверлар елында Лаешта Җиңү паркы ачылды, Горький урамында яңа парк ясау буенча эшләр актив алып барыла. Шәһәрне күп санлы клумбалар һәм чәчәк түтәлләре бизи, берсеннән берсе матурлар. Бу зур акчалар һәм йөзләрчә кеше хезмәте. Матурлыкны һәлак итмәгез! Уртак йортыбызны саклагыз һәм бизәгез.