Татарстанны 30 градуслы салкыннар көтә

ТР гидрометүзәге һава температурасының шактый төшәчәге турында хәбәр итә. 10 гыйнвар төнендә салкын 29 градуска җитәргә мөмкин, ә түбәнлекләрдә аяз булганда 30-35 кә кадәр дә.

9 гыйнварда температура көньяк районнарда 17дән 23 градуска кадәр төшәчәк, ә төньякта - 24-29 га кадәр. Төнлә -32 гә кадәр салкынайтырга мөмкин.

10 гыйнварда төнлә термометр баганасы 24-29 градус салкынга кадәр төшәчәк, түбән районнарда исә 30-35 кә кадәр. Көндез температура 15-20 градус булачак, көнчыгыш районнарда 24 кә кадәр.