Урак өсте

"Волга" агрофирмасы" ЧҖҖ басуларында урып-җыю эшләре тулы көчкә бара.

Лаеш районында агрофирманың 1724 гектарда уҗым арышы басуы бар, аның уңышы җыеп алынган инде. Уртача уңыш гектардан 24.6 центнер чыга.

-Комбайнчылар Ильвир Миначев, Николай Суханов, бертуган Захаровлар алда бара, - дип хәбәр итте исәпкә алучы Никита Бархатов.

Басуда саламны төргәкләүчеләр дә тырышып эшли - төргәкләнгән салам тюклар белән кыр тулган. Август аена хас булмаган эссе кояш астында механизаторлар караңгы төшкәнче эшлиләр. Игеннәрне вакытында җыеп алырга ашыгалар. Ашлыкның амбарлардагысы исәптә, ә басудагысы түгел.