Безнекеләр – һәркайда

Мәдәният елы чаралары һәм сайлау алды агитациясе кысаларында Лаеш районының үзешчән артистлары концерт программасы белән Балык Бистәсе районында булдылар.

Пәрәү, Лаеш, Имәнкискә, Кече Елга һәм Державинодан кунаклар чыгыш ясаган Ямаш авылы мәдәният йорты "Авыл клублары - 2012-2014 еллар" программасы буенча төзелгән.

Тамашачылар һәм чыгыш ясаучыларны Балык Бистәсе районы башлыгы Илһам Вәлиев, "Казан май комбинаты" ААҖ генераль директоры Дмитрий Самаренкин, "Май экстрактлау заводы" ААҖ генераль директоры Михаил Сыроватский сәламләде.