Лаешлылар шәһәрне үзгәртә

Лаеш шәһәре башкарма комитеты җитәкчесе Александр Ватомов узган отчет сессиясендә сайлаучыларга 2014 елда эшләнгән эшләр турында сөйләде. Лаеш җирлеген төзекләндерү, анда яшәүчеләрнең тормыш дәрәҗәсен яхшырту шәһәр һәм район хакимияте игътибар үзәгендә булды.

Үткән елда район үзәге казнасына 25 миллион 220 мең сумнан артык суммага салым җыелган. Чыгымнар өлеше исә 55 миллион 114 мең сумнан артык тәшкил иткән. Өстәмә акча республика һәм район бюджеты дотацияләре һәм субвенцияләре исәбенә бүлеп бирелгән. Моннан тыш, Татарстан Президенты Рөстәм Миңнеханов 20 миллион сум бүлеп биргән - Яр буен төзекләдерүгә һәм Җиңү паркын реконструкцияләүгә 10 ар миллион.