Кама ягы
  • Рус Тат
  • Тәҗрибә һәм яшьлек берлеге

    Казан аграр университеты студенты Илдар Сираҗиев мондый җитештерү практикасы турында хыялланмаган да. Бишенче курс башлану алдыннан булачак авыл хуҗалыгы белгеченә чирек гасыр әтисе Мөдәрис Мөнир улы иген иккән "Семиречье" АФ ЧҖҖ басуларында теорияне практикада сынап карау бәхете елмайган. Кечкенә чагында ул крестьян хезмәте нигезләрен дә монда алган.

    -Беренче тапкыр Илдарны өч яшендә басуга алып бардым. Көне буе тракторда өлкән кешегә дә җиңел түгел, ә монда бала. Арыса башка минем белән килмәс дип уйладым. Чыннан да, көн ахырына арыды. Күрәм - күзләре йомыла, ә кулын рульдән алмый. Йоклаган баланы басу читенә алып чыктым. Телогрейкага төренеп, ул «кояшны сүндерүне» сорады. Ә мин тагын штурвал артына. Караңгы төшкәнче шулай. Ә иртән ярдәмчем тагын әтәчләр белән уянды һәм яңа эш көненә әзер иде, - дип улы белән горурланып сөйли гаилә башлыгы.

    Илдар яшүсмер чагында авыл хуҗалыгы машиналары төзелешен, туфрак сөрү, чәчү, игеннәрне урып-җыю технологиясен әтисеннән - элекке "Столбище" җитештерү-тәҗрибә хуҗалыгының алдынгы механизаторларының берсеннән өйрәнә. Мөдәрис Мөнирович үз вакытында комбайнда уллары белән эшли алмаганга үкенә. Илдар өлкән сыйныфларда укыганда ул ярдәмче була алганда районда бәхетсезлек очрагы булу сәбәпле ашлык урып-җыю техникасына ике комбайнчы билгелиләр. Сүз дә юк, бала чакта ук үз тормышын авыл хуҗалыгы белән бәйләргә карар иткән Илдар өчен әтисе белән бергә эшләү яхшы сабак булыр иде.

    ...Бу җәйдә барысы үз урынына кайта. Урак алдыннан хуҗалыкка чит илдә эшләнгән алты яңа комбайн кайта. Җитәкчелек кадрлар мәсьәләсен хәл итәргә тиеш. "Семиречье"ның Сираҗиевлар гаиләсенә игътибар итүе очраклы түгел. Өлкән Сираҗиевның, хәзер ул хуҗалыкта эшләмәсә дә, игенчелек тәҗрибәсе зур, уллары да әтиләре кебек: икесе дә җитди, эш сөючәннәр. Андыйларга яңа техниканы ышанып тапшырырга була. Урак өсте күрсәткәнчә (ә ул монда төгәлләнү алдында, хуҗалык районда беренчеләрдән булып бөртекле культураларны суктырып бетерде), гаилә экипажы ышанычны аклаган. Экипажда көчләрне бүлүгә вакыт төзәтмә керткән. Игеннәрне урып-җыю барышында "Нью Холланд"та Илдар баш, ә Мөдәрис Мөнирович улында ярдәмче. Экипажның өченче әгъзасы - Инсаф, Илдарның энесе өлкәннәргә ярдәм итә, тәҗрибә туплый.

    -Бу составта һәм техниканың иң соңгы казанышлары белән җиһазланган комбайнда, хезмәтне болай оештырганда эшләү бәхет ул, - диләр урак батырлары. Һәм урыпҗыюның ахырына якынлашуына бераз гына борчылалар. Әмма алар эшкә нәтиҗә ясарга ашыкмый. Боерык булса алар башка хуҗалыкларга ярдәмгә барырга әзер. Ә хәзергә ирегетләр сынауны узуларыннан, үз фамилияләренә тап төшермәүләреннән канәгать. Ни генә әйтсәк тә, Сираҗиевлар - игенчеләр династиясе. Мөдәрис Мөнировичның әтисе гомер буе иген иккән - ул озак еллар Саба районының иң яхшы комбайнчыларының берсе булган. Аның дүрт улы да әтисе юлыннан киткән. Ә хәзер әтиләре һәм бабалары эшен кече Сираҗиевлар дәвам итә.

    Шуны да әйтергә кирәк, быелгы урак барышында "Семиречье"ның иң тату экипажының көчле һәм үз-үзенә ышанган көндәшләре аз түгел. Газетабыз алар исемен бер генә кат атамады - бу Андрей Булаков, Владимир Хорошавин, Владимир Пьянов, Дмитрий Ермилов. Әмма иң күп ашлык суктыру өчен үзләренә лаек игенчеләр белән ярышу Сираҗиевлар өчен намус эше. Барысына да уңыш телик.

    Нравится
    Поделиться:
    Реклама
    Комментарии (0)
    Осталось символов: