Кама ягы
  • Рус Тат
  • Безгә барысы да ошады

    Атна буе яшен болытлары горизонтны томалады, һәр минутта яңгыр һәм яшен башлану белән куркытты. Әмма шимбә көнне һава торышы үз ачуын мәрхәмәтлеккә алыштырды, һәм Шәһәр көнендә якты кояш шәһәрнең төп мәйданын яктыртты, анда бәйрәмнең төп вакыйгасы узды.

    Шәһәр көне дә вакыйгаларга бай булды: «Кама диңгезе» җилкәнле регатасы, «Ак таулар» мәйданында Лаеш муниципаль районы башлыгы Кубогына спорт автомобильләрендә һәм мотоциклларда күрсәтмә чыгышлар, экстрим-парк ачу һәм башкалар.

    Бәйрәмнең рәсми ачылышына кадәр Җиңү паркында интерактив мәйданчыклар эше һәм Собор мәйданында район предприятиеләре һәм оешмаларының «Мин үз шәһәремне яратам» дип аталган иҗат эшләре күргәзмәсе оештырылды. Аларны Лаеш районы Башлыгы Илдус Зарипов, ТР Дәүләт Советы Рәисе урынбасары Татьяна Ларионова, ТР Дәүләт Советы депутаты Илья Вольфсон һәм аларны озатып йөрүче затлар карадылар (фотода өстә).

    -Ә миңа да Сезнең белән исәнләшергә мөмкинме? – дип сорады бер кыз Татьяна Ларионовадан, ул аның яшь спортчыларның кулын кысуын күреп, шулай үтенде.

    - Әлбәттә! – дип елмайды Татьяна Петровна.

    Лаеш ягы музее директоры Фәридә Мортазина делегацияне тимер ярминкә турында сөйли торган фотокүргәзмә белән таныштырды, ул Шәһәр көнен тантаналы ачу прологының нигезен тәшкил итте.

    Шашлык, попкорн, татлы мамык һәм башка тәм-томнардан авыз итеп, балаларны аттракционнар белән шатландырып, шәһәр халкы бәйрәмнең рәсми өлешенә җыелды. Тантананы ачып, Илдус Зарипов, Татьяна Ларионова һәм Илья Вольфсон Лаеш районының Татарстан муниципаль берәмлекләре арасында лидер булуын билгеләп үттеләр. Ә районның уңышлары - ул барлык халыкның нәтиҗәле эше күрсәткече.

    Аннан соң Лаеш шәһәре үсешенә зур өлеш керткәннәре өчен шәһәрлеләрне хөрмәтләү башланды. Район һәм республика дәрәҗәсендәге бүләкләрне Илдус Зарипов һәм Татьяна Ларионова тапшырды. Бүләкләнүчеләр арасында җәмгыятьнең төрле өлкәләрендә эшләүче төрле һөнәр ияләре дә бар. 50 ел бергә гомер иткән Разит һәм Резеда Сибатовлар, Валерий һәм Александра Лучкиннар, Александр һәм Галина Кнутовлар аеруча билгеләп үтелде. Алкышларга районның иң яшь гаиләсе – Игорь һәм Анастасия Соловьевлар гаиләсе күмелде, алар үзләренең никахларын Шәһәр көне алдыннан теркәделәр.

    Ел саен мавыктыргыч бәйрәм программасы әзерләнә, һәм бу юлы да шәһәр халкы кәефен төшермәде. Ул якты һәм бай эчтәлекле булып чыкты (фотода аста). Лаеш шәһәре гимнын җанланып каршы алдылар. Аны Татарстан Республикасының атказанган сәнгать эшлеклесе Рөстәм Җәләветдинов һәм Татарстан Республикасының атказанган артисты Игорь Горчаков башкардылар. Шуны да әйтергә кирәк: концерт программасында югары дәрәҗәдәге профессионаллар күп иде, алар арасында Әмир Әхмәдишин, Регина Вәлиева, Альбина Латыйпова һәм башкалар да бар иде. Тамашачылар аларның чыгышларын бик теләп карадылар һәм тыңладылар. Үзебезнең лаешлыларны да бик җылы сәламләделәр, алар инде күптән яраталар һәм сәхнәдә күренүләрен көттеләр.

    Менә инде җиргә кичке күләгә дә төште, ә шәһәрлеләр таралышмады. Яшьләр кичке программага тартылдылар: бәйрәмне оештыручылар шәһәрлеләрнең төрле таләпләрен исәпкә алган иде.

    -Безгә монда барысы да ошады! – Шәһәр көне турындагы сорауга Лаешның 3 нче мәктәбе укучылары хор белән җавап бирделәр.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: