“Импульс-dance” – халыкара конкурста өченче тапкыр җиңде

ХI халыкара "Көнчыгыш әкияте" музыка сәнгате иҗаты халыкара конкурс-фестивалендә уңышка ирешкән "Импульс-dance" (Габишево) заманча бию студиясен 2018 елда Сочида үтәчәк халыкара фестивальгә чакырдылар.

Гөлнара Яруллина фотосы

"Триумф" иҗат берләшмәсе булдырган "Көнчыгыш әкияте" ХI фестивале 30 ноябрьдән 2 декабрьгә кадәр Казанда үтте. Бу шәһәрнең мең еллык тарихы бар. Татарстан башкаласын еш кына каршылыклар шәһәре диләр: ул үзенә Көнчыгыш һәм Көнбатыш мәдәниятләрен сеңдергән. Шуңа күрә "Көнчыгыш әкияте"нең нәкъ менә Казанда үтүе очраклы түгел. Конкурста катнашучыларга шәһәрнең иң яхшы сәхнәләрендә чыгыш ясау мөмкинлеге бирелде.

"Импульс-dance" "Эстрада биюе" номинациясендә 11-19 яшьләр төркемендә чыгыш ясады. Матур киемнәренә, хәрәкәтләрнең бергә башкарылуына, биюнең искиткеч куелышына сокланган жюри Светлана Зайцева җитәкчелегендәге бию коллективының конкурс эшенә югары бәя бирде. Габишево артистлары I дәрәҗә лауреатлар булдылар һәм махсус приз: 20000 сумга грант һәм 2018 елның сентябрендә Сочида үтәчәк киләсе конкурс- фестивальгә чакыру алдылар.

Бу инде заманча бию студиясенең 2017 елда алган өченче халыкара дипломы - Лаеш районы җиңүләре җыелмасына лаеклы өлеш.