Каравон сюрпризлары белән гаҗәпләндерер

Май азагында уза торган рус фольклоры бәйрәменә кадәр тагын ике ай диярлек вакыт бар. Әмма төп бурычлар, аны әзерләүдә турыдан-туры катнашучы оешмалар һәм кешеләр билгеләнгәнинде.

Фольклор бәйрәмен оештыру белән бәйле проблемаларны оператив хәл итү өчен чираттагы киңәшмәләрнең берсе турыдан-туры җыр фестивале булачак урында - Никольскийда үткәрелде. Район башлыгы Михаил Афанасьев үзәк мәйданны ремонтлау барышы белән танышты. Каравон вакытында вакыйгалар барачак бар территорияне карап чыкты. Киңәшмә барышында аны төзекләндерү буенча шуңа туры килүче хезмәтләргә йөкләмәләр бирде.

-Мондый очрашулар кирәк, - диде эшлекле очрашуда катнашучыларның берсе. - Бу алдагы эш өчен үзенә күрә бер этәргеч. Эшкә юнәлеш бирелде, яңа идеяләр барлыкка килде. Сүз уңаеннан, Михаил Павлович фестиваль өчен әзерләнүче бар яңалыкларымны сер итеп саклавымны үтенде. Ул моның бәйрәм кунаклары һәм катнашучылар өчен сюрприз булуын тели.

Район башлыгы Михаил Афанасьев һәм ТР мәдәният министры урынбасары Гүзәл Шәрипова катнашында алдагы киңәшмә якшәмбе көнне "Волга" лагеренда үтте. Сүз бәйрәмнең театральләштерелгән бүлеге турында барды. Район матбугат хезмәте хәбәр итүенчә, быел фестивальнең режиссеры Пермьнең "Губерния" халыклар иҗаты йорты генераль директоры Татьяна Санникова булачак. Ул эре фестивальләр дирекциясе составына керә, күп кенә масштаблы чаралар үткәрүдә зур тәҗрибә туплаган.

Татьяна Марковна Каравон сценариен тәкъдим итте, ул оригинальлеге белән аерылып тора һәм элек үткәрелгән фестивальләрнең берсенә дә охшамаган. Каравонда катнашучылар һәм кунаклар моңа рус фольклоры бәйрәмендә инана алачаклар.