Безнең кешеләр әйләнә-тирә мохитне боза белә дә инде

Мишә кайсыдыр ягы белән тыйнак кына чибәркәйне хәтерләтә, ул йөзен чит карашлардан яшерә, гүзәллеген кеше күзенә күрсәтми. Балыкчыларның яраткан урыны буларак, ул суга башларын игән таллар күренешендә фотосурәткә төшәргә яратучыларны да үз ярларында теләп кабул итә. Су өстендә күктәге болытлар чагылышы күренә...

Әмма күңелгә тынычлык бирүче халәтне саклап калу өчен күзләрне түбән төшермәскә кирәк. Буш тәмәке каплары, целлофан пакетлар, шешәләр, тартма калдыклары. Кешеләр әйләнә-тирә мохитне боза беләләр дә инде...