Кама ягы
  • Рус Тат
  • Без - җәмәгатьчеләр. Без шулай яшибез

    Җәмгыятьнең иң актив өлеше - яшьләр, дигән фикер белән бәхәсләшергә мөмкин.

    Фотоны Зөһрә Лезина бирде.

    Моның өчен бары тик Лаеш пенсионерлары - шәһәр һәм районның иҗтимагый тормышында актив катнашучыларга гына карарга кирәк.

    Лаеш шәһәренең хезмәт ветераннары һәм сугыш чоры балалары аралашырга, яшьлекләрен искә алырга һәм ял итәргә җыелдылар.

    - Без коронавирус аркасында озак очрашмадык, - дип аңлатып үтте «Үзәк» ТИҮ рәисе Вера Баннова. - Шуңа күрә сөйләшерлек нәрсәләр булды.

    Килгәннәрне Лаеш районы сугыш һәм хезмәт ветераннары советы рәисе Рашат Булатов һәм Лаеш шәһәре ветераннар советы рәисе Анна Скрипачева котлады. Алар иҗтимагый оешмаларның шәһәр һәм район өчен күп эшләүләрен искәрттеләр.

    Чәй өстәле артында сугыш ветераннары һәм сугыш чоры балалары күңелле әңгәмә алып бардылар, рәхәтләнеп үзешчән артистларның чыгышларын карадылар һәм планнары белән уртаклаштылар.

    - Беләсезме, мин болай бергә утырып ял итә алырлык көнне көттем, - дип белдерде Вера Баннова. – Беркая да ашыгырга, беркая да йөгерергә, нинди дә булса проблемаларны хәл итәргә яки кичәләр, концертлар, сәфәрләр оештырырга кирәкми... Чөнки без монда барыбыз да җәмәгатьчеләр. Без барыбыз да шулай яшибез. Мин Лаеш ягы музее директоры Фәридә Мортазинага рәхмәтлемен, без бит аның түбәсе астында җыелдык. Шәфкатьлелек ордены рәисе Зөһрә Лезинага оештыру мәсьәләләрендә ярдәме өчен рәхмәт. Шуны да билгеләп үтәргә кирәк, без һәрвакыт алар белән кулга-кул тотынып эшлибез. Шуңа күрә барлык уй-ниятләрне тормышка ашыра алабыз.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: