Кама ягы
  • Рус Тат
  • Һәр урамның үз тарихы

    Лебедева урамы бәйрәменә яңгыр да, салкын җил дә комачауламады. Мондый чаралар безнең шәһәрдә яхшы гадәткә әйләнде. Күршеләр һәм дуслар бер гаиләдәй җыелып, өлкән яшьтәгеләрне, ветераннарны хөрмәтлиләр, кул эшләре күргәзмәләре үткәрәләр, уеннарда актив катнашалар, җырлыйлар һәм бииләр. Быел тантананы оештыручылар эстафетаны шәһәребезнең капкасы һәм йөзе булган урамнан башларга булдылар. Анда күп...

    Лебедева урамы бәйрәменә яңгыр да, салкын җил дә комачауламады. Мондый чаралар безнең шәһәрдә яхшы гадәткә әйләнде. Күршеләр һәм дуслар бер гаиләдәй җыелып, өлкән яшьтәгеләрне, ветераннарны хөрмәтлиләр, кул эшләре күргәзмәләре үткәрәләр, уеннарда актив катнашалар, җырлыйлар һәм бииләр.

    Быел тантананы оештыручылар эстафетаны шәһәребезнең капкасы һәм йөзе булган урамнан башларга булдылар. Анда күп кенә учреждениеләр урнашкан: район Советы, мәдәният йорты, Таттелеком, казначейлык, "Мои документы" биналары, автостанция, күп кенә кибетләр. Монда 600 дән артык кеше яши. Чара Беренче май һәм Пасха бәйрәмнәре белән туры килгәнлектән, шулай ук Җиңү көне алдыннан үткәрелгәнлектән, барлык бу даталар бәйрәм тематикасында чагылыш тапты. Алыштыргысыз алып баручы Вера Баннова җылыну өчен яңгыр астында биюче катнашучыларны җанландырырга тырышты. Ритмлы, яңгыравык музыка кунакларны әйлән-бәйләнгә чакырды, ә шуның белән беррәттән сатып алучыларны яңа "Магнит" кибетенә җәлеп итте. Аның администрациясе чараны оештыруда һәм үткәрүдә актив катнашты.

    Сугышчан батырлыклары һәм тылдагы хезмәтләре белән үз урамнарын һәм Лаеш шәһәрен данлаган кешеләрне хөрмәтләделәр. Сугышта катнашкан 90 яшьлек Иван Николаевич Шкудов, олы яшьтәге Вера Федоровна Воронова, Людмила Павловна Федулова, Татьяна Григорьевна Чердакова, Николай Ананьевич Миронов һәм башка күпләр өчен бүләкләр әзерләгәннәр. Алар адресына яраткан артистлар башкаруында җырлар һәм шигырьләр, концерт программасының башка номерлары яңгырады.

    Күршеләрен котларга шәһәр Советы депутаты Александр Портнов килде, ул ветераннарга күңел көрлеге һәм озын гомер, ә яшьләргә уңай энергия теләде.

    Сибатовларның талантлы гаиләсен көчле алкышлар белән каршыладылар. Разит Хөрмәтович Лаеш ягы турында берничә китап авторы, ә Резедә Гыйниятовна шигырьләр яза, аларның кайберләре программада яңгырады. Сүз уңаеннан, безнең газета бәйрәмне оештыруга үз өлешен кертте, теләге булганнарга "Кама ягы" газетасына икенче яртыеллыкка альтернатив язылу рәсмиләштерде. Шул ук вакытта җырлар, такмаклар белән бәйрәм дәвам итте, аларга бар кеше кушылды.

    Һәр урамның, үзәк ураммы ул, әллә кечкенәме, үз тарихы, гореф-гадәтләре һәм данлыклы кешеләре бар. Алар өчен тыныч тормыш дәвам итсен, озак еллар янәшә яшәүче һәм эшләүче кешеләр арасында күршеләрчә яхшы мөнәсәбәтләр булсын иде.

    Нравится
    Поделиться:
    Реклама
    Комментарии (0)
    Осталось символов: